كتبت : آية جمال
الفنان وائل نبيل، من أبناء محافظة القاهرة، يبلغ من العمر 21 عامًا، يكتشف موهبته بالصدفة ويطورها ليصل إلي مستوى رائع في وقت قصير..
لكل موهبة بدايات، فكيف كانت بدايتك مع مشوار الرسم؟
أنا اكتشفت موهبتي بالصدفة،كنت في أولى إعدادي وكنت برسم عيون لشخصيات كرتونيه بحبها واكتشفت وقتها إني بعرف أرسم انميشن وكرتون كويس وبدأت من هنا.
ما العقوبات التي واجهتك؟
الإحباط،كنت دايمًا محبط وكنت هسيب الرسم أكتر من مرة لكن الحمدلله إني مبطلتش وطورت من نفسي أكتر.
من قام بتشجيعك علي الرسم؟
كان في دعم كبير من ناس كتير في حياتي وفي ناس ربنا وقفهم في طريقي عشان يدعموني ويكونوا السبب الرئيسي اني اوصل للمستوي ده.
اي أنواع الرسم تفضل؟
البورتريه والانمي والرسم المعبر عن المشاعر والأفكار بشكل أدق.
ما الأدوات والخامات التي تستخدمها؟
بستعمل فحم ورصاص.
اي الجو اللي بتحب ترسم فيه؟
بحب الجو الهادي جدًا عشان بيصفي الذهن.
هل الحالة النفسية لها دور في الرسم؟
بالنسبالي ااه، أنا برسم عشان افرح وعشان اطلع الطاقة السلبية والاكتئاب في الرسم.
ما أهدافك التي تتمني أن تحققها في الرسم؟
أني اتطور أكتر واكون محترف جدًا وإني افتح معرض خاص بيا.
